Poema násturianu dedicao a San Franciscu. HOMENAXE A LAS LLETRAS ASTURIANAS   Leave a comment

 

¿Cuál ye’l santu más santázu?

 

Oyí una vez a mió güela,

(la probina ya morrió),

que’n España había estáo

Pachín el de Bernaldón.

Y que de toos los pueblos

en que llimosna pidió,

onde meyor lu trataron

fo n’Asturies y Lleón.

 

Aquí comió fabes llargues

y pataques de riñón

y lentexes y garbanzos,

el vino… non lu probró.

Desque llegué a ésta ciodá,

yo non sé lo que me pasa,

alcóntrome requetebién,

como si fora en mió casa.

 

Agora entro en materia:

voy tratar una cuestion

de bastant’emportancia,

ascuchái con atención,

¿Cuál ye’l santu más santázu,

de veneración mayor

dempués de José benditu?

¿Vusotros sabéislo o non?

 

¿Diciis que non? Pos Franciscu

el d’Asís, el rapazón

que pasó por ísti mundu

imitando al Salvador,

y dando a unos conseyos,

a utros boroña y llacón,

y a toos bonos exemplos

de vertú y de perfección.

 

Homilde y de gran bondá

casóse con la pobreza,

y so vida fói tan llimpia

como la mesma poreza.

Con los páxaros cantaba,

con los neños se riía,

a los llobos amansaba,

y a les muyeres… riñía.

 

Su cuerpu lu flaxelaba

con desceplines muy dures,

quería mucho a los cures,

y a los lleprosos besaba.

Años y años trabayó,

sin descansu, Francisquín,

pedricando del camín

que nos conduz fasta Dios.

 

Les almes que-i arrancó

dentre les unes al diañu,

pasen d’algunos millones,

non desagero ¡caránio!

Faí pocos díes en Uvieu

un magüetu, un pollinón,

apostaba que Franciscu

yera un santu del montón.

 

¡Me caso en Bioño! yo dixe,

ripítelo utra vez ¡bribón!

y sin dái tiempu a falar,

arrééi un gofetón

que chói fora del focicu

el dentamen soperior,

y dos mueles del d’abaxo,

del que llamen enferior.

 

Non lo pongáis nunca en duda,

el d’Asís, nuestru Patrón

ye como ensiñen los fláires

viva imaxen del Siñor.

Ylli lleva en sos manines,

en los pies, xunto’l corazón,

empreses les cinco llages

de Juasús el Bon Pastor.

 

Si practicamos la Regla

q’a los Terciarios dexó,

non nos faltará tayuela

pa descansar ¡vive Dios!

Terciarios güenos lo fueron 

el filósofu Bacón,

el Diante y Llope de Vega,

Miguel Anxel, Calderón,

 

Donosu Cortes y Balmes,

Diegu de Cadiz, Colon,

Tomasin Moru, el Patrarca,

Cervantes, Silviu y Gounot.

Inaciu el de Loyola,

Bernalcinu d’Obregón,

Xerardo de Villamagna,

y Nocedal, don Ramón.

 

Xuan Bautista de Borgoña,

Anxela María Artoch,

la criada Santa Zita,

San Ivu y Gasparin Voz.

Xuacu Saquiye enfermeru,

Anton de Padua y Ottón,

la pastorina Xermana

y Crespín de Viterbo.

 

El cardenal Sanfelice,

los mártiles del Xapón,

San Bienveniu d’Ancona,

Scotu y Colás Factor.

El sacerdote Velletri,

el zapateru Nevolón,

Margarita de Cortona,

el legu Pasual Bailón,

 

un copináu de pontifices,

de reyes un batallón,

y unes riestres de monxines,

la flor de la Relixión.

Q’esi Sarafín ardiente

nos enflame con su amor,

y lluego nos lleve al cielu,

atáos con el cordón.

 

PEDRO GONZÁLEZ LUDEÑA

Presbítero

NOTA.-Esta poesía fue recitada por su autor el día 19 de octubre del pasado año en una de las solemnísimas veladas de la «Gran Semana Franciscana» que los RR. PP. Capuchinos de León celebraron en dicha ciudad [1926]y repetida el 26 de marzo del corriente año [1927] en el Cine Mutualidad, de Oviedo, a petición de muchos asistentes a las fiestas de la Orden Tercera. El Sr. Ludeña fue ovacionado por su hermoso trabajo.

 

 

Posted May 8, 2008 by JUFRA SAN ANTONIO AVILES in Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: